dina biantara aya opat metode nu biasadipake, pek tataan hiji-hiji tur jelaskeun maksudna

Metode biantara nyaeta cara midangkeun hiji biantara. Biantara nyaeta nyrita atawa nepikeun kedalan di hareupeun jalma rea anu caritaanana disusun sacara rapih tur merenah. Ditilik tina suasanana aya dua rupa biantara nyaeta biantara resmi jeung biantara teu resmi.

Pembahasan

Aya opat metode biantara, nyaeta nu disebut metode impromtu, metode ngapalkeun, metode naskah, jeung metode ekstemporan. Di handap ieu dijentrekeun naon maksud unggal metode biantara nu disebutkeun:

1. Metode impromtu atawa ngadadak nyaeta metode biantara nu midangkeunana teh ngadadak atawa henteu tatahar heula ngan ngandelkeun pangaweruk atawa pangarti nu dipiboga ku dirina.
2. Metode ngapalkeun nyaeta metode biantara nu nepikeunana teh nyaeta ku ditulis heula naon nu rek diomongkeun atawa ditepikeun, terus diapalkeun per kecapna. Kusabab kitu, metode biantara ku ngapalkeun mah sok rada kaku, sabab nu nepikeun eta biantara kudu nginget nginget naon nu rek diomongkeun.
3. Metode naskah nyaeta metode biantara nu nepikeunana ku cara maca naskah. Biasna nu ngaregepkeun ieu biantara henteu pati mikaresep kana eta metode biantara sabab biasana nu nepikeun eta biantara sok sering tungkul maca naskah biantara. Biasana metode ieu digunakeun dina acara acara resmi.
4. Metode ekstemporan nyaeta metode biantara nu nepikeunana teu ngagunakeun naskah, tapi biasana disusun catetan gurat badag nu rek di tepikeun. Gurat badag naon nu rek diomongkeun dicatet sacara taliti. Kalimah atawa kecap nu ditepikeun bebas tapi tetep dumasar kana gurat badag nu aya dina catetan.

Pelajari lebih lanjut

• Nu kudu dipikanyaho samemeh nulis biantara https://brainly.co.id/tugas/11711758
• Cara nepikeun biantara dina basa Sunda brainly.co.id/tugas/6508865
• Pasemon dina nepikeun biantara https://brainly.co.id/tugas/20892770

__________

Detil Jawaban

Kelas : X

Mapel : Bahasa Sunda - Biantara

Bab : 1

Kode : 10.13.1

Kata Kunci : Metode biantara